"Kisas ‘traha un budget’ ta zona manera algo masha laf mes. Pero simplemente visualisando bo finansas personal, ta un manera facil y hopi efectivo pa yuda controla cuanto placa bo ta gasta of spaar!"
#CarteraYenCurasonContento
Necesidadnan pa traha budget:
- Pen, Schrift y Calculator
- Por uza Excel, Google Sheets, of un Budgeting App manera Mint
Extra: Google Budgeting Template
E idea ta cu bo mester di un manera visual y consistente pa mira cuanto placa ta drenta y unda precies e placa ta bai tur siman, luna of aña. Con cada persona ta traha budget ta varia. Tin varios metodonan, pero corda, e triki ta pa haya e metodo cu ta traha pa bo! E siguiente 6 stap ta guiabo dor di e proceso di traha un budget. Asina bo por maneha bo propio finansas mas miho.
Stap 1: Nota bo entrada (netto) total
E prome stap ora di crea bo budget ta pa identifica e suma di bo entrada(nan). Mayoria persona tin 1 entrada, cual ta nan salario. Pero si por ehempel, bo tin un talento of servicio cu bo ta ofrece, esaki por percura pa mas fuente di entrada. Pues, cuminsa na traha un lista di tur entrada y e suma di cada entrada.
Tip: Si bo tin entradanan cu no ta consistente, purba inclui nan solamente den un budget di e periodo unda cu e entrada menciona ta aparece.
*Corda kita e suma di Inkomsten Belasting, AZV premies y Pensioen Premie for di bo entradanan pa bo yega na bo entrada ‘Netto’. Ta importante pa uza e suma ‘netto’ aki ora di traha bo budget.
Stap 2: Nota Bo Gastonan
Ora bo nota tur bo gastonan, ta facil pa mira unda kizas bo ta gasta muchu placa y asina bo por ayusta e suma di bo gastonan tur siman, luna of ana. Por ehempel, por ta bo ta gasta muchu placa tur luna riba Take-Away of Fast-Food.
Si bo gasta 20 florin menos pa siman riba Take-Away of Fast-Food, bo por spaar 1040 florin pa aña!
Cuminsa nota bo gastonan ‘vast’. Esaki ta tur gasto cu ta regular y no ta cambia muchu (Awa, Coriente, Huur, Hypotheek, Pago di Auto, etc.). E gastonan aki ta ‘vast’ y menos facil pa baha e suma, pero djis marcando e total ta un bon manera pa visualisa bo gastonan.
Awor, nota bo gastonan ‘variabel’. E gastonan aki ta cambia pa siman, luna of aña (por ehempel: compras, gasolin, take-away etc). Akinan e oportunidad ta existi pa evalua si bo por gasta menos. E gastonan aki ta mas facil pa cambio of elimina, y mayoria biaha bo lo ripara cu bo ta gasta muchu riba un of mas actividad. Hopi biaha bo por wak den bo Online Banking of Banking App unda precies bo placa ta bai, paso e nomber di e tienda unda bo a paga ta marca riba e statements.
Tip: Dor di uza pen y papel of bo smartphone, ta facil pa marca bo gastonan diario tambe.
Stap 3: Defini Bo Metanan
Awor cu bo tin bo entradanan y gastonan defini riba papel of den un excel file, ta momento pa bo bai pensa tocante bo metanan (finally)! Bo metanan por ta ‘Short Term’ of ‘Long Term’. Nos ta defini metanan ‘Short Term’ como metanan cu bo por realisa dentro di un aña (pensa riba spaar pa un telefon nobo, paña nobo, baha debe di credit card, etc). Metanan ‘Long Term’ ta metanan cu ta tuma mas cu un aña pa realisa, manera baha debenan grandi, spaar pa bo yiunan, spaar pa bo pensioen etc. Corda, e metanan aki no mester ta ‘vast’, pero dor di nota nan, bo por identifica kico bo prioridadnan ta prome cu bo cuminsa plan bo budget pa siman, luna of aña.
Stap 4: Traha un Plan
Uza e gastonan ‘vast’ y ‘variabel’ pa crea un idea di cuanto placa bo ta bai gasta den e proximo siman, luna of aña. E gastonan ‘vast’ bo por premira bon y e gastonan ‘variabel’ tambe (si bo mira cuanto bo a gasta den e lunanan anterior).
Bo por cuminsa planea unda precies bo ta bai gasta menos of kizas ta necesario pa bo buska un side job pa yuda spaar pa e vakantie? Traha un plan cu bo por realisa, sin cu bo ta perhudica bo bida diario (no bai traha 12 ora pa dia pa gana mas placa si no mester)
Stap 5: Bo Lifestyle Ta Fit Bo Entrada?
Despues di completa e stapnan anterior, bo por cuminsa traha cu bo budget y mira unda cos ta bai bon y unda cos ta bai fout.
Hopi cosnan cu nos ta cumpra of gasta placa riba dje ta cosnan cu nos ‘Kier’, no necesariamente cosnan cu nos ‘Mester’. Un coffee na Starbucks ta dushi, pero na mes momento bo por spaar hopi placa si bo traha e coffee na cas y hibe trabou.
Evalua si e cosnan cu bo ‘Kier’ ta bale la pena. Ademas, tin biaha nos ta gasta dimas riba por ehempel gastonan di Data, Cable etc.
Tip: Small Savings Add Up! Si bo spaar 5 florin tur siman, bo tin un extra 260 florin tur aña.
Stap 6: Mantene bo Rutina
Pabien! Si ta bon, awo bo sa con pa traha un budget pa bo mes. Pero e no ta para eynan. Ta hopi importante pa bo keda repasa bo budget cada pasa siman of luna pa percura cu bo ta mantene bo mes na e budget (If not, you’re wasting your time). Ademas, cada pasa tempo bo gastonan, entrada of metanan di spaar y baha debe ta cambia y ta importante pa bo budget tene cuente cu esaki tambe.
..Anyway, enough talk, exito cu bo budget!
|
|
