Your Money Or Your Life [Review]

Last modified date

Bon bini na e Dos Placa #BookoftheMonth, na unda cu nos ta lesa e bukinan mas popular tocante finansas personal y duna bo persona e miho avisonan di cada buki.


Pa e prome edicion, nos a scoge e buki titula 'Your Money or Your Life' di e autornan Vicki Robin y Joe Dominguez. Un buki interesante cu ta pone un enfasis grandi riba e siguiente pensamento:

'You exchange your valuable time for money.'

Pues basicamente, pa mayoria hende, cada florin den nan poder a costa nan un cantidad di 'ora di nan bida' (e autornan ta uza e frase 'Life Energy' pa e concepto aki). E 'Life Energy' aki ta valioso y limita, y pa yuda bo persona uz'e na un manera consciente y eficiente, e autornan ta delinea 9 'Steps'

Pa comparti e miho tips di e buki cu bo persona, nos lo elabora riba e 9 stapnan! Asina bo por cuminsa mehora e relacion cu bo finansas personal, busca independencia financiero y uza bo 'Life Energy' pa haci e cosnan cu enberdad ta importante pa bo.


Stap 1: Making Peace with the Past

E prome stap ta dirigi bo pa calcula bo ‘Total Lifetime Earnings’. Esaki ta encera e total di tur e entradanan financiero cu bo a yega di genera te cu awo. E por zona manera hopi, y e ta! Pero e stap aki ta duna bo persona un bon 'overview' di cuanto entrada bo a genera durante bo bida profesional.

Ora bo logra calcula e suma aki, puntra bo mes ‘What do I have to show for it’. Esaki ta posibel door di calcula bo 'Net Worth' (Click aki pa mira con). Cu tur e entrada cu bo a genera durante bo bida profesional, cuanto pertenencianan valioso bo tin? Un Cas? Propiedad?...

Pa mira enberdad kico e resultado di bo decisionnan financiero ta, por ta un 'wake up call'. Segun e autornan, percura pa no keda lamenta tocante bo decisionnan financiero 'malo'. Si bo no ta contento cu e resultado di bo calculacionnan, no preocupa bo! Esaki ta e prome stap pa cuminsa mehora e relacion cu bo finansas personal.

Stap 2: Being in the Present—Tracking Your Life Energy

'How much money are you making for the amount of time you work?'

-Your Money or Your Life

Esaki ta un di e mensahenan principal di e buki. Normalmente nos no ta tuma na cuenta enberdad cuanto ora di nos bida nos ta duna na nos trabou pa cobra un salario cada luna. Ademas, no ta solamente e cantidad di ora cu nos ta inverti, pero tambe e extra gastonan relata na nos trabou (p.e. transportacion).

Den e stap aki, percura pa:

1. Calcula bo ‘Real Hourly Wage’. Esaki ta un calculacion di cuanto placa bo ta gana pa ora, considerando lo siguiente:

  • E suma di bo salario
  • Cuanto ora bo ta traha pa luna
  • Cuanto ora extra ta wordo uza pa trabou pa luna (preparacion, transporte etc.)
  • Cuanto gasto extra bo tin tur luna relata na bo trabou (transporte etc.)

2. ‘Track’ tur bo gastonan y mira enberdad cuanto ‘ora di bo bida’ cada gasto ta costa. Si, por ehempel, bo tin un ‘Real Hourly Wage’ di 15 florin, un producto cu ta costa 45 florin lo costa bo 3 ora di bo bida pa por cumpra. E oranan aki ta wordo clasifica como ‘Life Energy’ door di e autornan.

Stap 3: The Monthly Tabulation

Percura cu cada luna, bo persona ta calcula y categorisa e totalidad di tur bo gastonan! E categorisacion aki mester por fit na bo situacion personal y esaki ta nifica cu bo por crea e categorianan na bo mesun gusto. Ademas, percura tambe pa calcula e totalidad di tur bo entradanan financiero.

Siguientemente, converti e sumanan di cada gasto den ‘Hours of Life Energy’ door di uza bo ‘Real Hourly Wage’ (Stap 2). E proceso aki ta ilustra cuanto 'ora di bo bida' cada gasto ta representa. 

Stap 4: Three Questions That Will Transform Your Life

Puntra bo mes e siguiente preguntanan ora di analisa bo calculacionnnan haci na stap 3

Question 1: Did I receive fulfillment, satisfaction, and value in proportion to hours of life energy spent?

Question 2: Is this expenditure of life energy in alignment with my values and life purpose?

Question 3: How might this expenditure change if I didn't have to work for money? For each question in each category, evaluate whether the expense should increase, decrease or stay the same for your optimal fulfillment. This is the heart of the program.

Stap 5: Making Life Energy Visible

Awo ta ora pa bo visualisa tur bo gastonan y tambe cuanto ora di bo bida bo ta sacrifica pa cada un di e gastonan aki. Uza un poster of whiteboard pa visualisa e aspectonan aki, y percura pa pone e visualisacion aki na un caminda cu bo ta mir'e tur dia.

Stap 6: Valuing Your Life Energy—Minimizing Spending 

Aki e concepto di un ‘minimalistic lifestyle’ ta bini pa dilanti. E autornan ta argumenta cu nos bida ta yen di momento di importancia, pero mayoria biaha nos ta dicidi di inverti un gran parti di nos placa den cosnan cu no ta fit den e categoria di ‘momentonan importante’.

Pa e motibo aki (y tambe considerando e echo cu bo ‘Hours of Life Energy’ ta limita), e autornan ta sugeri pa cuminsa gasta bo placa mas conscientemente y na un manera eficiente. Asina bo ta resta mas recurso financiero pa haci locual enberdad ta importante pa bo.

Stap 7: Valuing Your Life Energy--Maximizing Income

Manera nos a menciona, e oranan di bo bida ta valioso. Pues ta importante pa percura cu e oranan cu bo ta inverti pa gana un salario of entrada financiero ta bale la pena! E autornan ta sugeri tambe pa evalua con e cantidad di ora cu bo ta inverti den bo trabou ta fit cu bo balornan personal. Ademas, tin posibilidad cu bo por crea mas entrada pa e cantidad di ‘hours of life energy’ cu bo ta inverti den bo trabou?

Stap 8: Capital and the Crossover Point

Nos a yega e parti crucial di e buki. E meta di tur e stapnan aki ta pa mehora bo relacion cu placa y tambe yega un punto di independencia financiero. E concepto aki ta relata na e idea cu bo tin suficiente entrada pasivo (entrada procedente di inversionnan) pa por sostene bo calidad di bida. Esaki ta posibel ora bo persona ricibi entrada for di inversionnan financiero. Considera por ehempel un propiedad cu ta genera entrada di huur. E inversion aki ta un fuente di entrada financiero pasivo.

Ademas di e entrada financiero pasivo, ta importante tambe pa yega na e asina yama 'Crossover Point'. Esaki ta e punto unda cu e cantidad di bo entrada financiero pasivo ta surpasa e suma di bo gastonan (mensual).

Stap 9: Investing for Financial Independence

Finalmente, make your money work for you! Pa mantene bo independencia fiananciero, ta importante pa keda crece bo entrada financiero pasivo, hasta ora e entrada aki wordo uza pa cubri bo gastonan (mensual). 


 

Interesante di e buki aki ta cu e autornan ta pone un prioridad grandi riba e aspecto di 'mindset'. Realmente, e unico manera pa cuminsa mehora bo relacion cu placa y yega na un punto di independencia financiero, ta pa confronta bo decisionnnan financiero, cuminsa plania y 'track' bo finansas personal mas activamente y percura pa crea entrada financiero pasivo cu por sostene bo calidad di bida!

Si bo persona ta interesa pa lesa mas tocante 'Your Money or Your Life', bishita nan website!
www.YourMoneyorYourLife.com

 

Bo ta gusta lesa nos articulonan? Yuda nos mehora door di yena nos encuesta cortico! Pa yen'e, click aki

Share e articulo aki!
  •  
  •  
  •  
);