It's That Time of The Year Again!

Si bo ta un di e personanan cu tin e suerte di haña un bonus e temporada aki, pabien! Bo a traha duru henter aña y awor bo lo ricibi un aprecio di bo dunador di trabou tambe. Kico bo tin pensa di haci cu e 'regalo' aki?

A. Uza tur e placa pa bo obligacionnan?
B. Uza tur e placa pa diverti di dje?
C. Un combinacion di A y B?

Den un mundo perfecto, bo lo por simplemente scoge opcion B, pero pa sigura cu bo tin un balansa entre e salud di bo situacion financiero y bo derecho di disfruta di bo 'regalo', kizas e ta un bon idea pa bo purba scoge opcion C. Ademas di crea un balansa, e escohencia aki por duna bo dos tipo di satisfaccion tambe:

  • Satisfaccion Inmediato
    Pa motibo cu bo por uza un porcion di e bonus pa haci algo leuk.
  • Satisfaccion Den Termino Largo
    Pa motibo cu bo por uza un porcion di e bonus pa mehora bo situacion financiero.


Con Pa Combina Obligacionnan y Bo Derecho di 'Diverti' di Bo Bonus?

Manera nos a menciona, kizas opcion (un combinacion di obligacionnan y diverticion) ta e manera mas balansa pa uza bo Bonus e aña aki. Pa bo aplica opcion C, ta bon pa bo tin un plan, y pa e motibo aki nos kier introduci bo na un regla nobo:

E Regla di  50/30/20

E 'Regla' di budget aki ta prescribi pa split bo 'entrada' den e siguiente manera:

50% di bo entrada = Necesidadnan
30% di bo entrada = 'Kiernan'
20% di bo entrada = Metanan Financiero

Ban supone cu bo ta haña un bunita bonus di Afl. 1000 e aña aki.

Cu e regla di 50/30/20 bo lo por aloca..

Afl. 500 pa reduci debe of cumpli cu un otro obligacion
Afl. 300 pa diverti di dje
Afl. 200 pa spaar of yega na metanan financiero


Dicon Uza E Regla Aki?

Si bo kier haci un cambio na e manera cu bo ta uza bo placa of si bo no sa unda pa cuminsa, e regla di 50/30/20 ta un bon guia pa purba crea un balansa entre bo obligacionnan, metanan y bo 'kiernan'

Mi Por Adapta E Regla Aki?

E regla di 50/30/20 ta solamente un guia pa bo busca un balansa financiero. Pero cada persona su situacion di finansas personal ta diferente y cada persona por adapta e porcentahenan na un manera cu ta pas cu nan situacion financiero. Supone cu bo tin un budget hopi preta y bo mester di aloca 70% enbes di 50% na bo necesidadnan. E ora ey bo por dicidi di cambia e regla pa 70/20/10 of por ehemplo 70/10/20.

Importante !  

Prome cu bo cuminsa uza un concepto manera e regla di 50/30/20, ta bon pa evalua (na un manera honesto) kico bo obligacionnan, metanan y 'kiernan' ta. Hopi biaha nos ta pensa cu un 'kier' ta un necesidad, sin cu esaki ta e caso.

 

Pa Siña Mas Tocante e regla di 50/30/20, click aki pa bishita The Balance su articulo informativo!

 

);