E idea of opcion di fia placa serca un ser keri ta presenta su mes y bo ta evaluando si bo kier haci’e? Kizas enbes di fia placa, bo ta confronta cu e pregunta si bo kier duna un fiansa na un ser keri. Kico bo mester haci?
Finansas Personal ta un topico sensitivo serca hopi dentro di nos comunidad. Ademas, fiamento di placa of dunamento di fiansas tin su riesgonan pa bo finansas personal y e por afecta bo relacion personal tambe. Den e articulo aki nos no ta bai bisabo cua decision pa tuma, pero...
A. Si bo dicidi di no haci’e, corda lesa nos otro articulonan
B. Si bo dicidi di haci'e, lesa e siguiente 5 tips!
Prome cu bo lesa e tips, memorisa e dos reglanan cardinal ora di ‘mix’ Placa y Bo Sernan Keri:
- Proteha Bo Relacionnan
- Proteha E Finansas Personal Di Bo Mes Y Di Bo Sernan Keri
Click riba e link pa ‘Jump’ na e seccion describi
Si Bo Ta Bai Pidi Un Fiansa
Tip 1: Contesta E Siguiente Preguntanan (The Balance)
- Bo tin un plan (y suficiente entrada) pa paga e fiansa bek?
- Kico bo ta supone lo pasa si bo no por haci un of mas pago riba e fiansa?
- E persona cu a duna bo e fiansa sa con bo ta uza e placa fia?
- E persona cu a duna bo e fiansa tin derecho di duna su opinion tocante bo prioridadnan?
- Kico lo pasa cu e persona si bo no por paga e fiansa bek?
Tip 2: Evalua Bo Otro Opcionnan
Tin un dicho cu ta bisa 'Blood and Money Don't Mix'. E motibo ta cu e por facilmente afecta e relacion entre abo y bo ser keri. Evalua si bo por pidi un fiansa (na un manera responsabel) serca un institucion financiero.
Tip 3: No Fia Mas Cu Bo Por Paga Bek
E ta algo obvio, pero prome cu bo pidi un fiansa di placa, mira si bo por realmente paga e suma aki bek. Kizas traha cu un budget pa evalua esaki.
Tip 4: Paga Interes
Bo ser keri ta duna bo un fiansa paso e tin e capacidad financiero pa haci'e y (of) paso e kier yuda bo. Sigura cu bo ta paga e suma bek huntu cu un nivel di interes rasonabel.
Tip 5: Palabra Tur Cos Y Document'e
Tene un dialogo habri cu bo ser keri y na final, documenta e palabracion sin lubida di firm'e!
Si bo tin mas tips, conecta cu nos!
Si Bo Ta Bai Duna Un Fiansa
Tip 1: Contesta E Siguiente Preguntanan (The Balance)
- Dicon bo ser keri mester di un fiansa?
- Bo ta spera di haña e placa bek?
- Na ki momento bo ta spera di ricibi pagonan riba e fiansa?
- Kico bo ta haci si e persona stop di haci pagonan?
- Kico bo ta haci si algo pasa cu e persona cu bo a duna e fiansa?
Tip 2: Examina E Detayes
Prome cu bo duna un fiansa, sigura cu bo tin tur e detayes importante. Pa kico e fiansa ta y dicon bo ser keri no por haña un fiansa serca un institucion financiero?
Tip 3: Cuanto Placa Bo Por Keda Sin Dje?
Imagina si bo no logra haña e placa bek. E lo afecta bo (of bo famia) negativamente?
Tip 4: Considera Bo Mesun Metanan
No laga bo generosidad influencia bo mesun metanan.
Tip 5: Palabra Tur Cos Y Document'e
Tene un dialogo habri cu bo ser keri y na final, documenta e palabracion sin lubida di firm'e!
Extra: Tin Biaha Ta Ok Pa Bisa No. Bo lo por opta pa duna un 'No Positivo' (bisa no pero yuda pensa tocante alternativonan) of bo por yuda bo ser keri di un otro manera.
Si bo tin mas tips, conecta cu nos!
|
|
