E articulo aki ta un colaboracion entre Dos Placa y Jermin Bell di Bellance.org. Corda follow Jermin riba LinkedIn, Facebook y Instagram! Parti 2 di 'Con Pa Logra Bo Metanan Financiero' ta sali dia 9 di december, kiermen subscribe pa bo keda #alwaysupdated.
Admiti’e, logrando bo metanan no ta facil. Pa logra nan, tin biaha bo mester tuma pasonan drastico pa busca e disciplina y e esfuerso rekeri pa yega na dje. Asina mes, mayoria biaha e ta tarda hopi tempo pa logra of bo no ta logr’e mes... y bo ta dicidi di ‘settle for less’. Zona conoci?
Bo a yega di pensa cu kizas bo no ta cla pa yega bo metanan financiero ainda? Den e articulo aki nos lo examina un posibel motibo dicon, y despues nos lo guia bo na un manera cu bo por cuminsa yega na bo metanan!
Click riba e siguiente linknan blauw pa navega e articulo aki:
Un Desbalansa Interno
Segun Jermin Bell di Bellance, e prome aspecto cu bo mester tene na cuenta ora bo tin dificultad di logra bo metanan financiero, ta si bo tin un 'desbalansa interno'. Kico nos kiermen cu un ‘desbalansa interno’?
Simplemente bisa, ora factornan cu ta causa bo stress, ta limita bo disciplina, of ta distrae bo ta presente den bo bida, e por negativamente afecta bo capacidad di sinti bo mes comodo, focus, of traha eficiente. Den un caso asina, nos por papia di un ‘desbalansa interno’. Con pa evita cu bo ta haña bo mes confronta cu un desbalansa interno asina? Pa yuda bo compronde, sigui lesa!
Considera lo siguiente:
Imagina un persona cu ta disciplina, eficiente, y cu ta yega su metanan. Bo ta kere cu e persona aki tin molester di factornan cu ta causa stress, limita disciplina of ta distrae?
Contesta: Claro cu si! E ‘factornan’ aki ta presente den bida di practicamente tur persona.
Kizas awo bo siguiente pregunta ta: Dicon e persona aki si por logra su metanan sin tin molester di un ‘desbalansa interno’?
Contesta: Pa motibo cu e persona aki ta minimalisa e posibilidad cu factornan asina por causa un ‘desbalansa interno’. E ta un hecho cu tur hende ta confronta nan mes cu factornan dificil den bida, pero e diferencia ta conecta na e manera cu un persona ta anda cu e factornan aki. Na final di e articulo aki, nos lo duna bo tips cu por yuda bo anda cu factornan negativo asina.
Con e Desbalansa Interno Aki Por Expresa Su Mes?
Prome cu nos yega na ‘Con Pa Yega Na Bo Metanan’, tin algo otro cu bo mester sa. Factornan cu ta causa stress, limita disciplina of ta distrae bo, por empeora bo habitonan financiero malo. E habitonan financiero malo aki por surgi na momentonan cu bo ta sinti bo stressed of incomodo y nan por afecta bo abilidad di yega bo metanan financiero.
Dicon? Estudionan (manera esun di Lerner et al.) ta mustra cu factornan emocional negativo por causa cu un persona ta cai den e tendencia di gasta mas placa cu normal. Pensa riba por ehemplo:
- ’Compulsive Shopping’
- Salimento Frequente
- ’Emotional Eating’
Etc.
Ademas di esaki, tin biaha factornan emocional negativo por causa bo pa ‘freeze’ y asina ignora bo ‘problemanan’, metanan of responsabilidadnan
*Bo por analisa e habitonan malo aki cu e concepto di fight, flight or freeze.
Fight: Confronta Factornan Emocional Negativo
Flight: Uza Habitonan Malo Pa Buska Gratificacion Inmediato
Freeze: Dicidi di Ignora Bo ‘Problemanan’, Metanan of Responsabilidadnan
Con Pa Yega Na Bo Metanan Anto?
Spoiler Alert: There’s no easy answer to this question! Pero sigui lesa…
Claro cu ta existi manera pa yega na bo metanan, pero e ta algo cu bo mester experimenta cu ne. E siguiente tips ta trece pa dilanti diferente manera cu bo por crea un ‘balansa interno’ pa asina bo por yega na bo metanan.
Tip 1: Acepta Cu Factornan Cu Ta Causa Emocionnan Negativo Ta Normal.
Acepta cu cosnan negativo por pasa, y realiza tambe cu bo ta responsabel pa bo emocionnan.
Tip 2: Siña Confronta Factornan Negativo Na Un Manera Saludabel
Por ehempel via 'self reflection', mindfulness of door di papia tocante di dje cu un persona cu bo ta confia, un mentor of un terapista
Tip 3: Cuminsa Cultiva Habitonan Positivo
Normalmente ora factornan emocional negativo presenta nan mes, e por causa cu bo ta 'fall back' riba bo habitonan negativo. Pero considera e cultivacion di habitonan positivo. Asina bo por 'fall back' riba habitonan positivo den momentonan dificil.
Tip 4: ‘Mi Kier’ Enbes di ‘Mi Mester’
Purba crea metanan of habitonan positivo cu bo ‘kier’ realiza enbes di ‘mester’ realiza. Enbes di ‘Mi mester realiza e meta aki’ formula bo pensamento na un otro manera: ‘Mi kier realiza e meta aki’
Tip 5: Structura, Crea Rutina Y Disfruta di Dje
Fail to plan and plan to fail! Structura y Rutina ta yuda bo realiza bo metanan. Pa sigura cu bo por mantene bo mes na e structura y rutina, aplica Tip 4!
Extra: Don’t Just Sit There, Do Something!
Papia Cu Jermin!
Bo tabata sa cu ‘Bo Salud Mental Ta Mesun Importante Cu Bo Salud Fysico’? Den e articulo aki nos a trece pa dilanti con bo salud mental por afecta bo capacidad pa yega na bo metanan financiero, pues e por afecta bo calidad di bida tambe.
Si bo kier mas informacion tocante ‘desbalansa interno’ of cualkier otro tema relata na salud mental, of si bo kier consulta cu un profesional den e ramo di salud mental, bishita www.bellance.org y tuma contacto cu Jermin.
Nos kier sinceramente gradici Jermin Bell di Bellance pa su contribucion na e articulo aki. Otro siman Parti 2 ta sali unda nos ta examina un otro topico relata na realizando bo metanan financiero. Subscribe pa keda #alwaysupdated
