Awendia e prijs averahe di un ticket di biahe ta mas barata cu nunca. Esaki ta un di e motibonan dicon mas y mas hende rond mundo ta biahando cu avion y e motibo tambe dicon bo Instagram feed ta yena cu potret di bo sernan keri riba nan ‘amazing, life changing vacation’.. 😉
Tin yen ‘triki’ pa purba haña e ticket mas barata, pero na final di dia, un di e aspectonan mas importante ta pa bo sigura cu bo ‘timing’ ta bon. Gran parti di un ticket su prijs ta depende riba e cantidad di demanda cu tin pa e ticket.
Ora tin hopi demanda pa algo, e prijs di e ‘algo’ ey (den e caso aki un ticket di biahe) lo subi.
Awor, sigur bo ta pensando: Ok, danki pa e les di finansas, pero djis bisami cua ta e miho tempo pa mi cumpra mi ticket. (Sigui lesa pa bo haña sa!)
Informacion di Expertonan y Tips!
Un di e expertonan cu ta publica informacion tocante e miho 'timing' pa cumpra bo tickets di biahe ta CheapAir.com. Nan a investiga mas cu un miyon ticket di biahe internacional pa wak cua ta e miho momento ta pa cumpra bo tickets. E siguiente video ta ilustra esaki.
Segun CheapAir, esaki ta e miho momentonan pa cumpra tickets pa e siguiente destinacionnan:
Buelonan pa Europa
'Window of Opportunity' : Ongeveer 1.5 luna pa 8 luna di antemano
Timing Perfecto : 160 dia di antemano
Buelonan pa Latino America
'Window of Opportunity' : Ongeveer 1 luna pa 11 luna di antemano
Timing Perfecto : 110 dia di antemano
Buelonan pa Estados Unidos
Timing Perfecto : 70 dia di antemano
Importante : E datonan aki ta basa riba buelonan saliendo for di Estados Unidos. Pero no preocupa, ta posibel pa uza e datonan aki manera un bon guia. Combina e ‘guia’ aki cu nos siguiente tips, y cla bo ta!
Tips Pa Spaar Riba Buelonan Saliendo for di Nos Islanan:
- Cuminsa Busca Na Tempo
Kinan bo por haci uzo di e 'guia' di CheapAir.com. - Cumpra Bo Ticket di Biahe Online
Un ticket online lo sali bo mas barata cu un ticket cumpra na un agencia di biahe. Si online no ta un opcion pa bo, nos lo recomenda bo yama e aerolinea directamente. Pero kizas e prijs di e ticket lo sali mas caro asina. - Uza un ‘Aggregator Website’
Informacion ta poder! Pa e motibo aki sigura cu bo ta uza un website cu ta compara tur e prijsnan di diferente compania. Asina ki bo por tin confiansa cu bo ta buscando pa e miho deal.Nos websitenan faborito
- Pone un ‘Fare Alert’
Un Fare Alert ta avisabo ki ora e prijsnan ta baha of subi. Hopi di e websites cu nos a menciona tin e servicio aki. Simplemente aplica pa e fare alert pa e dianan cu bo tin pensa di biaha, y ricibi updates via email ora e prijs di bo buela baha. Ora di plania un biahe, nos lo avisa pa uza e siguiente apps cu tin e servicio di Fare Alert y hopi mas!Hopper App
Hipmunk App
Extra: Corda keda pendiente di tur specials y deals durante henter aña.
Nos ta spera cu e tips nan aki ta yuda bo spaar placa riba bo proximo biahenan!
#CarteraYenCurasonContento
