Si bo ta un studiante, e articulo aki ta pa bo!
Mayoria studiante no a yega di maneha nan mesun placa, y sin un bon guia, nan no lo siña con pa maneha nan finansas na un manera optimal. Realiza tambe cu hopi di e erornan financiero cu bo comete como studiante, por siguibo pa resto di bo bida..Ok, kisas esey ta un tiki exahera...Pero ta berdad si cu mal educacion tocante finansas personal ta dificil pa coregi, un mal custumber di crea debe innecesario of paga debe laat ta dificil pa coregi y tambe na final di bo estudio, probablemente bo lo mester paga un debe financiero bek (studielening).
Pa haci bo Student Life Finances mas facil, nos a crea un guia cu tips pa e maneho di bo finansas personal. Ademas, click riba e siguiente links pa navega e articulo, of djis sigui scroll pa lesa mas.
- Budgeting
- Buki Di Scol
- Tips pa Spaar
- Sea Creativo y Spaar Placa
- Evita Pago Automatisa
- Siña Cushina
- Hustle!
- Paga cu Cash
- Buska Deals
- Evita Price Traps
Tip 1: Siña Traha un Budget (y Mantene Bo Mes Na Dje)
Hasta si bo mayornan ta pagando pa tur e gastonan relata na bo estudio y bida diario, ta importante pa bo siña traha cu un budget. Si bo traha un budget, ta hopi facil pa wak na unda bo placa ta bai tur luna y si e gastonan cu bo tin, enberdad ta necesario. Bo tabata sa cu mayoria biaha bo ta gasta mas placa cu ta necesario? Kiermen siña traha un budget cu ta inclui mas cu djis e actividadnan financiero necesario manera pago di huur, transport etc. pero tambe aloca placa pa cosnan leuk manera salimente of pa e backpacking trip na asia cu bo ta planeando. Pa mas informacion tocante budgeting check e dos links nan aki.
1. Siña Traha un Budget Dos Placa
2. Budget Guidelines NIBUD
3. Budgeting App Study International
2. Evita Gasta Muchu Placa Riba Bukinan Di Scol
Buki academico por ta hopi costoso, especialmente si bo ta studiando na Merca. Tin caso unda e curso ta rekeri pa bo lesa solamente un parti di e buki tambe, kiermen prome cu bo cay den e trampa di paga hopi pa bo bukinan academico, tene cuenta cu e siguiente:
1. Mira si bo por haña e buki segunda mano via Ebay, Amazon, Bol, Marktplaats, Vraag & Aanbod etc).
2. Tin biaha ta posibel pa fia buki enbes di cumpra buki, wak si esaki ta posibel.
3. Un version electronico di e buki ta sali mas barata cu e version Hard Copy.
4. Ta posibel tin biaha pa copia hoofdstuk for di bo colega studiantenan na universidad. Pero tene na cuenta e aspecto di ley di distribucion y copyright.
5. Ora bo caba di uza e buki y bo no mester di dje mas of bo no kier e mas, Bend'e!
3. Automatisa Bo Spaarpot
Spaar no ta algo facil, y ta rekeri disciplina. Pero al largo plazo, e habito di spaar por habri porta pa hopi oportunidad of metanan cu bo kier realiza. Pa haci bo bida mas facil y sigura cu bo por spaar consistentemente, ta importante pa bo automatisa e proceso di spaar. Awendia ta facil pa implementa un 're-occuring payment' cu ta transfer placa di bo Current Account pa bo Savings Account regularmente. Asina ki bo no mester corda pa spaar mes! Ademas, mayoria banco ta ofrece e opcion pa spaar cada biaha cu bo uza bo debit card.
Ehempel di con pa ‘automatisa bo spaarpot’: ABN AMRO Pin Sparen
4. Sea Creativo Y Spaar Placa
Un prioridad grandi den un studiante su bida ta pa disfruta y crea experiencianan nobo. Hopi biaha esaki kiermen bai come na un restaurant cu bo amigo- of amiganan, salimento etc. Pero enbes di un comemento na restaurant of salimento, considera un comemento, game night of movie night na cas. E ta menos costoso y probablemente tin mas di bo amigo- of amiganan cu tambe lo kier spaar placa de bes en cuando.
5. Si Ta Posibel, Evita Pago Automatisa
Cu Pago Automatisa nos ta referi na e trend di ‘Subscription Services’ manera Netflix, Swapfiets, Apple Music etc. Tur huntu, e pagonan automatisa pa bo subscriptions por acumula lihe. Kiermen, siña budget un cierto cantidad di placa pa e subscriptions cu bo ta haña necesario, pero spaar e resto di bo placa, paso na final di dia un subscription plan por sali costoso.
Ehempel: Na Hulanda tin compania manera SwapFiets cu ta ofrece bo e posibilidad di huur un bicicleta a base di un 'Subscription Fee' di 15 of 19 euro pa luna. Esaki ta 180 / 228 euro pa aña. Si bo cumpra un bon ‘Oma Fiets’ segunda mano e ta sali bo menos cu esaki (incluyendo e reparacion chikito occasional). Na otro banda, e ventaha di SwapFiets ta cu e ta un full fledged service, y si bo bicicleta haña un flat tire of te asta kibra, nan ta ‘swap’ bo bicicleta daña pa un otro cu ta traha bon. So Easy!
6. Come Na Cas
Si bo ta tin un habito di cumpra cuminda ‘on the go’, kisas e tip aki ta yuda bo baha bo gastonan: Siña cushina na cas. Esaki no kiermen cu nunca bo no por cumpra algo ‘on the go’ of come na un restaurant, pero bo por spaar asina hopi placa door di cushina mas na cas. Click riba e siguiente links pa recetanan facil y tambe pa mira con bo por cuminsa 'Meal Prep'.
Budget Bytes Easy, Delicious & Cheap Recipes
Meal Prepping Pick Up Limes
7. Siña Hustle! (Buska un Side Job)
Traha mas tanto posibel sin perhudica bo estudio. Un Side Job of un 'Side Hustle' por yuda bo crea extra entrada cu bo por uza pa spaar, haci acitividadnan leuk of djis duna bo budget mas espacio. Ademas di esaki, un side job of side hustle por duna bo bon experiencia y ta mustra bunita riba bo CV, especialmente ora e ta den e mesun ramo di bo estudio.
100 Side Hustles The College Investor
8. Paga cu Cash
Un manera facil pa crea mas disciplina ta pa uza cash. Kisas e ta zona straño, especialmente paso awendia ta mas facil pa uza bo debit card, pero considera e siguiente metodo:
- Yena diferente envelop cu un suma di placa cash pa acitividadnan manera haci compras of salimento etc. E envelopnan di placa cash aki ta bo budget pa luna y ta limita cuanto bo por gasta. Una bes e placa den e envelop caba, bo budget a caba. E experiencia di 'mira bo placa' of 'sinti bo placa' disparce ta uno mas fuerte cu ora bo uza un debit card, na unda cu bo placa ta un solamente un suma riba un screen digital.
9. Buska Deals
Sigur como studiante bo ta haci online shopping, especialmente si bo ta biba na Merca of Hulanda. Pero bo tabata sa cu hopi online stores ta ofrece deals y coupons riba nan productonan? Prome cu bo haci bo online shopping e proximo biaha, corda check si e online store tin un bon deal of coupon valido pa su productonan.
www.groupon.com / www.retailmenot.com Online Deals y Coupons
10. Evita 'Price Traps'
Bo sa ora bo wak algo cu ta djis 5 florin, y bo ta pensa ‘Hey, it’s just a few bucks right?’. Hopi biaha kinan e trampa ta, paso sin cu bo sa na fin di luna bo a haci e compra ey 5 biaha, y e 5 florin a bira 25 florin total. Kiermen considera esaki bon, y en bes di keda gasta tiki placa aki aya, reverse e tendencia ey y purba spaar un tiki placa aki aya.
|
|
