E informacion den e articulo aki ta basa riba e 'Income and Expenditure Survey 2016', publica door di Centraal Bureau Statistiek Aruba. Pa lesa e rapport completo, click aki
Te cu poco di dia pasa, e unico informacion cu nos por a consulta tocante e consumo averahe di un hogar Arubiano tabata data for di aña 2006 (prome cu e Apple Iphone a sali). Pero recientemente, Centraal Bureau Statistiek Aruba a saca nan Consumer Expenditure Survey 2016, titula ‘Na Unda Mi Placa Ta Bai’, cual ta yena cu statistica interesante tocante e topico aki!
Prome cu nos mira kico e consumo averahe ta di un hogar Arubiano, ban examina e entradanan mensual.
Kico e entrada averahe di un hogar Arubiano ta?
Segun e resultadonan di e rapport di CBS Aruba, cual a examina 918 hogar, e entrada averahe mensual di un hogar Arubiano ta:
Afl. 4551
E suma aki ta un averahe, pues cada hogar tin un entrada diferente dependiendo riba factornan manera cuanto persona ta biba den e hogar y tambe cuanto persona den e hogar tin un entrada. Den e caso aki e averahe di Afl. 4551 ta basa riba un hogar cu tin un averahe di 2.6 habitante, di cual 1.6 habitante tin un entrada.
Kico e consumo averahe di un hogar Arubiano ta?
CBS Aruba su rapport ta indica cu e consumo averahe mensual di un hogar Arubiano ta:
Afl. 4293
Pa yega na e suma aki, e rapport di CBS Aruba a uza cierto criteria pa mira kico ta wordo considera como 'consumo' y tambe a categorisa e consumo aki segun un codificacion internacional (COICOP). Por mira un visualisacion di e consumo averahe di un hogar Arubiano den e siguiente imagen.
- Food and non-alcoholic beverages: Afl. 374
- Alcoholic beverages & tobacco: Afl. 27
- Clothing and footwear: Afl. 95
- Housing: Afl. 1613
- Household operation: Afl. 320
- Health: Afl. 77
- Transport: Afl. 518
- Communications: Afl. 316
- Recreation and culture: Afl. 346
- Education: Afl. 34
- Restaurants and hotels: Afl. 152
- Miscellaneous goods: Afl. 421
Con Bo Consumo Ta Compara?
Mayoria bes nos ta mira informacion tocante habitantenan di otro pais, pero awo cu nos tin un bon fuente di informacion local mas ‘up to date’, lo ta interesante pa mira con bo consumo of gastonan ta compara cu e averahe na Aruba*. Pues, puntra bo mes lo siguiente: Na Unda Mi Placa Ta Bai?
*Corda cu e sumanan averahe ta basa riba un hogar Arubiano
Extra:
Ademas di e informacion cu nos a trece pa dilanti, e 'Income and Expenditure Survey 2016' di CBS Aruba tin hopi mas statistica interesante, manera:
- E efecto di inflacion riba entradanan
- E distribucion di e suma di entrada
- E cambionan di entradanan y consumo desde 2006
- Etc...
Pues, si bo persona ta interesa pa siña mas, corda lesa e rapport completo!
Bo ta gusta lesa nos articulonan? Yuda nos mehora door di yena nos encuesta cortico! Pa yen'e, click aki
