"Kizas bo ta buscando e auto mas moderno riba mercado, of bo tin miedo cu bo auto actual no lo wanta hopi mas. Si e pensamento aki ta zona conoci, lesa e avisonan den e articulo aki pa haci e proceso di cumpra un auto nobo mas facil."

1. Bo sa e balor di bo auto actual?

Si bo tin un auto actual cu ta den bon condicion, e por tin un balor cu bo por uza pa baha e prijs di un auto nobo. Bo por negocia un prijs mas abou si bo haci un ‘trade in’ na un Car Dealer of bo ta palabra cu e persona cu ta bende auto, cu bo lo uza placa efectivo + e balor di bo auto actual pa cumpra e auto (nobo of segunda mano).

2. Bo a Considera bo Budget?

Puntra bo mes e preguntanan importante: Cuanto placa bo lo kier paga tur luna pa bo auto? Bo a considera e gastonan extra manera mantenencia, seguro, gasolin y reparacion? Bo tin e fondonan pa hasi un down-payment? Bo tin un auto actual cu bo lo por uza pa haci un ‘trade-in’? Hopi biaha un car dealer ta rekeri un ‘down-payment’ y mas bo paga riba e  down-payment, menos interes bo mester paga den termino largo (door cu bo por tuma un fiansa mas abou y pag'e mas lihe).

Extra: uza un Loan Calculator manera esun di Aruba Bank pa haña sa cuanto bo budget actual ta bal. Otro banconan manera CMB, RBC y Banco Di Caribe tambe tin loan calculators. 

3. Un Auto Nobo of Segunda Mano?

Pa hopi hende, cumpra un auto segunda mano ta sali miho cu cumpra un auto nobo. E prome doño di e auto a absorba hopi di e 'waardevermindering' di e balor di e auto. Pero tene cuidou, un auto segunda mano por tin hopi mas gasto di mantencion cu un auto nobo. Semper consulta un bon mecanico prome cu bo cumpra un auto segunda mano. 

4. Bo ta bai shop pa un prestamo y buska un 'pre-approval'? 

Ta mas facil pa cumpra un auto nobo si bo shop pa un prestamo prome y despues bai un Car Dealer pa busca bo auto nobo. E termino di bo prestamo (e interes cu bo ta paga y e duracion di bo prestamo) ta afecta e prijs cu bo ta paga finalmente. Percura pa e palabracion di bo prestamo ta fit confortablemente den bo budget actual.

Extra: Si ta posibel, wak si bo por haña un ‘pre-approval’ pa un prestamo di bo banco. Cu un pre-approval, bo lo por negocia e prijs cu bo ta paga pa un auto nobo.

5. Bo ta cla pa buska e auto di bo soñonan? 

Porta no e Mustang of Corvette ainda, pero nos kier lagabo cu un un conseho importante: ‘Conocimento ta poder’, especialmente ora bo kier cumpra un auto nobo. Consulta diferente website di auto y bishita car dealers pa siña kico asina e prijs di e auto (di bo soñonan) mester ta. Corda semper test-drive un auto prome cu bo cumpre y wak si bo conoce un persona cu tin e auto kaba. E persona aki por dunabo tips valioso tocante bo futuro auto.